إنتشر خبر إصابة النجمة الكبيرة يسرا بمرض السرطان الدم كالنار في الهشيم،وذلك بعدما تحدثت في برتامج تليفزيوني عن الموضوع، لذلك قررت النجمة أن تتسارع وتضع حد لهذا الخبر، فنفت النجمةإصابتها بمرض سرطان الدم، موضحة فى تصريحات خاصة لصحيفة المصرية الشهيرة"اليوم السابع"، أن بعض الناس فهمت حديثها فى هذا البرنامج التى ظهرت فيها مؤخرًا بشكل خاطئ.
وقالت النجمة يسرا من خلال رسالة نصية عبر "اليوم السابع": "مساء الخير على كل الناس الحلوة الطيبة اللى بتسأل عليا وخايفة عليا، ربنا يخليكم يارب ليا بس عايزة أطمنكم، أنا لما كنت بتكلم فى برنامج "علمتنى الدنيا"، كنت بقول كانوا شاكين إن عندى لوكميا "سرطان الدم"، من فترة طويلة وقعدت فى الشك ده 3 شهور، وأنا الحمد لله بخير كويسة ماعنديش حاجة ربنا سترها وطلع التشخيص غلط، والكلام ده كان من 15 سنة".
وأضافت النجمة فى رسالتها الصوتية: "بقول لجمهورى الحبيب الغالى بشكركم جدا على دعاكم وبشكركم جدا على خوفكم عليا، وعاجزة عن الشكر، ومهما هقول ما أقدرش أوفى الحب الكبير ده، ربنا يخليكم ليا، وبشكركم أوى أوى أوى، والله العظيم أنا ربنا مدينى الخير والصحة، الحمد لله أنا كويسة جدا جدا على الخوف، عايزاكم دايما تدعولى، لأن بحتاج الدعاء على طول، وربنا يحفظكم انتوا كمان من كل شر".
وأنهت حديثها مع اليوم السابع، قائلة :"الحمد لله صحتى كويسة، وبشكركم جدا على اهتمامكم، وبشكر جدا الناس اللى خافت عليا، وبحبكم وميرسى على الدعوات اللى أنتوا باعتوهالى، بس الحقيقة أنا بطمنكم إن مفيش أى حاجة فيا، ما عنديش المرض ده، ربنا يعافينا ويعافيكم".
