أثار موقع يوتيوب، بعد حذفه أغنية الفنانة روبي "الهشك بشك"، بعد دقائق قليلة من طرحها، الكثير من الجدل بين جمهور المطربة المصرية.
وفي أول تصريح عن أسباب حذف الكليب، قال المنتج وليد منصور خلال مداخلة هاتفية مع الإعلامي صبحي عطري والإعلامية بسنت شمس في برنامج MBCTrending: "أنا كشركة إنتاج، أي أغنية بتعجبني بشتريها ليا كشركة، وبعد كده بحدد الفنان اللي هنتجها له. لما كنا شغالين على الميني ألبوم للنجمة روبي، كان من ضمن الأغاني اللي اخترتها الأغنية دي. لكن لما العقد بتاعنا خلص ووقفنا، هي خدت باقي الأغاني، وأنا خدت الأغنية دي وقلت هعملها مع نجم تاني".
وأضاف: "الأغنية فضلت معانا 7 أو 8 شهور لإن المصنفات طلبت كذا تعديل، وفي الآخر وصلنا لشكل وبلغنا الملحن محمد يحيى، وعدلنا ورحنا فرنسا وصورناها... لكن فوجئت إن الجايد القديم من الأغنية نازل بصوت روبي، وفي ساعتها بلغنا يوتيوب واتقفلت بعد تلت ساعة، لإن ده حصل بعد ما نزلنا دعاية بنقول إن الأغنية اسمها "في ال لا لا"، و"هشك بشك" مش اسم الأغنية ده جزء من كلامها".
