حلت الممثلة دينا الشربيني، ضيفة على برنامج “معكم” مع الإعلامية منى الشاذلي، وأدلت بالعديد من التصريحات عن حياتها الشخصية والفنية. وذكرت الفنانة الدرس الذي تعلمته من قصة حبها السابقة، حيث وقالت إنها لا تحب الدعاية السلبية حتى لو كانت ستحقق لها مزيد من الشهرة، مشيرة إلى أنها تبذل جهداً كبيراً لعملها.
وأشارت دينا الشربيني إلى أنها تعلمت شيئا مهما من تجربتها الأخيرة قائلة: "اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تانى... يعنى ممكن تبقي شايفة حاجة من برا بس عمرك ما تبقى عارفة إيه اللى جوا... لذلك لا تحكم ولا تتكلم في الموضوع أصلا لأن عمرك ما هتعرف إيه اللى بيحصل. اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة".
من جانبها، قاطعتها منى الشاذلى قائلة: "يعنى اتعلمتي إن مينزلكيش صورة مكتوب عليها فريق العمل؟" لتجيب دينا الشربينى ضاحكة: "ده أكيد.. والله ما هتشوفوني فريق عمل في حياتى.. هيبقي في عمل بس. فضلت فترة بيتقال (فريق العمل راح وجه)، بس أنا مش من النوع اللى بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس".
وأخيراً رفضت الفنانة دينا الشربيني، الاعتراف في فقرة "سؤال ولا حكم" بأن أغنية "برج الحوت" التي قام بغنائها المطرب عمرو دياب، كانت لها، واختارت التنفيذ الحكم وهو غناء الأغنية في رد فعل سريع.
