هاجرت المطربة اللبنانية الأسطورة "صباح" عند الساعات الأولى من هذا الصباح إلى دنيا الخلود عن عمر 87 سنة، تاركة وراءها تراث فني لبناني عظيم، ومسيرة طربية غنائية وسينمائية لا مثيل لها. وكانت طالت الإشاعات خبر وفاة "الصبوحة" مرات متكررة قبل اليوم. أما هذه المرة فقد نشر على صفحة الفايسبوك الرسمية "للشحرورة" الرسالة التالية:
"يا احباب الصبوحة
الصبوحة اليوم راجعة على ضيعتا عالأرض اللي حبّتا وحبّتا
الصبوحة اليوم راحت عالسما عند الرب الكبير راحت عند اهلا واخوتا اللي اشتاقتلن كتير
صباح الحياة صباح الفرح صباح الابتسامة المشرقة دايما صباح الضحكة المرسومة باصعب الاوقات
بتودعكن وبتقلكن ما تبكو وما تزعلوا عليي وهيدي وصيتي الكن
قالتلي قوليلن يحطو دبكة ويرقصوا بدي ياه يوم فرح مش يوم حزن
بدي ياهن دايما فرحانين بوجودي وبرحيلي متل ما كنت دايما فرّحن
وقالتلي قلكن انه بتحبكن كتير وانو ضلوا تذكروها وحبوها دايماً
يا احباب الصبوحة
الصبوحة ما عادت موجودة معنا بجسدا في هاللحظة
الساعة 3 فجر اليوم طلعت روحا الى الخالق وهي نايمة
حتى في رحيلها كانت هنية ومتل النسمة وما زعجت حدا ولا تعبت حدا
الصبوحة رحلت بالجسد بس رح تضل موجودة بقلوبنا الى الابد
رح نشتقلك كتير كتير كتير يا حبيبتنا
يا ريت كان بايدنا نعطيكي كل لحظة من عمرنا ونخليكي معنا اكتر واكتر
بس هاي ارادة ربنا ..
منحبك صبوحة منحبك للأبد وما رح ننساكي ابداً ابداً
الله يرحمك يا صبوحة ويغفر لك وتكون نفسك بالسما مع الابرار والقديسين."
منبقى نوافيكن بكل التفاصيل الخاصة بمراسم وداع الصبوحة هون على هالصفحة .. خليكن معنا ورجاء كلكن ترفعوا الصلوات هلق لراحة نفس الصبوحة .
(كلودا و كارول)".
مسيرة فنية صاخبة
ولدت جانيت جرجس فغالي في منطقة وادي شحرور اللبنانية عام 1927 ودخلت عالمي الفن والسينما من بابهما العريض كما دخلت إلى قلب جمهورها من دون استئذان وحصدت شهرة عالمية واسعة. في رصيدها الكثير من الأعمال الخالدة التي باتت نبعاً يغرف منه محبّو الفن والموسيقى. حملت صباح أكثر من وسام وكُرّمت في أكثر من بلد، في رصيدها 83 فيلم سينمائي بين مصري ولبناني وما يزيد عن 3000 أغنية.
أسرة ELLE Aabia تتقدم بأحر التعازي لعائلة الصبوحة ولكل من يكن لها الحب والتقدير، راجين من الله أن يسكنها فسيح جناته.
