أعلن النجم تامر حسني، عن تفاصيل ألبومه الجديد عبر صفحته الخاصة على موقع التواصل الاجتماعي "فيس بوك"،
وكتب تامر فى منشور له: " نهاركم جميل إن شاء الله، سألتوا كتير عن البومي الجديد وقولتلكم إن غيابي ده عشان أعمل افكار جديدة تليق بجمهور عظيم زيكم وتليق بمشواري وبمكانتي كمطرب مصري عربي، الألبوم ده اخد مجهود كبير من سنتين لحد النهاردة وأنا كل يوم بشتغل على تطويره".
وأضاف:" وانتوا اكيد هتلاحظوا ده الفترة الجاية المهم الحمدلله بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور ان شاء الله البومي القادم اسمه (عيش بشوقك ) كلمات: مصطفى حسن الحان: بلال سرور توزيع: بلال سرور وهاني محروس هي اغنيه مبهجة غير تقليدية تماماً وفيها حاله يمكن بتمس معظمنا الأغنية من إخراج المخرج الكبير هادي الباجوري".
واختتم حسني قائلا: " وبكرا ان شاء الله هينزل اول ميكينج اوف لأغنية تانية من ألبومي اسمها (وانت معايا ) اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنية وكل مراحلها الكليب للمخرج اللبناني الكبير سعيد الماروق".
