علقت الفنانة المصرية صابرين على خلعها الحجاب، مشيرة إلى أن هذه حياتها الخاصة ولا يجوز لأحد التدخل فيها.
وأوضحت صابرين أنها تعودت على الانتقادات منذ فترة طويلة، وبالتحديد منذ ارتدائها الباروكة في مسلسل "شيخ العرب همام" مع النجم الكبير يحيى الفخراني.
ونفت صابرين خلعها للحجاب وذلك خلال مداخلة هاتفية مع الإعلامي عمرو أديب في برنامج "الحكاية" المذاع عبر فضائية "mbc مصر".
وقالت صابرين: "أنا قلعت التربونة وفيه فرق إني قلعت الحجاب وإني قلعت التربونة"، مضيفة: "الحجاب أنا مكنتش عملاه ده ستايل مش حجاب وأنا طلعت معاك وطلعت مع الإبراشي ومع كل البرامج وقولت أنا يا جماعة محتشمة".
وأضافت: "وأنا من يوم ما لبست الباروكة وأنا قلعت الحجاب وأنا دايمًا بقول إني بعمل خطوة وأنا عاملة خطوة بسيطة يمكن تٌقبل ويمكن أكون بعمل حاجة كويسة وقعدت فترة كبيرة كل لما أعمل عمل يسيبوا العمل ويتكلموا عن الباروكة وقعدت أطلع في برنامج ويسيبوا كل تاريخي ويتكلموا عن الباروكة".
واستنكرت صابرين حديث البعض حول مظهرها: "رقبتها بانت ونص شعرها بان وكلام أنا مش فاهمة له حاجة وتعبت نفسيا جدا في الفترة الأخيرة".
واستطرت: "أنا شيلت التربون واللي حصل إني قعدت أجاهد مع نفسي وقعدت أقول أنا مقسومة نصين وأنا ببص في المراية أقول مين دي واللي أنا بعمله صح ولا غلط قعدت كتير جدا جدا أسأل نفسي وأقول أهه خطوة".
