أجرى الفنان حسام حبيب مداخلة هاتفية يكشف فيه حقيقة علاقته بالمشاكل التي تمر بها الفنانة شيرين عبد الوهاب، وذلك عبر برنامج "الحكاية" المذاع على فضائية "إم بي سي مصر".
وقال حبيب: "ينفع أبطل سجاير ومحاط بناس في أوضة واحدة بتشرب سجاير، إزاي أكون راجل مستفيد من فلوسها وأسيبها تتخن وتهمل شغلها، لو أنا السبب، أكيد كنت بعمل زيها، أهلي عندهم أكبر مستشفيات في مصر، لو أنا بعمل كده، أهلي هسيبوني عادي ؟ منين سبب طلاقها حاجة زي كده؟ ومنين أنا بساعدها على كده؟ إزاي؟ لا يمكن". وأضاف: "هو ده سبب خلافنا الرئيسي، اللي كان واخدها في السكة دي، شيرين، مين اللي له مصلحة يوصل شيرين لكده؟، أنا لو ببص لفلوسها، المفروض أخليها تشتغل أكتر، اللي عايز يدمر شيرين هو اللي عايز يحجر عليها، الشخص اللي قالي أنا معايا توكيل عام رسمي، وهحجر عليها، وهسحب فلوسها كلها، وأنا قولت لشيرين لازم تفتحي حساب بره، وده اللي حصل عشان خاطر بناتها".
وقالت أسرة شيرين في بيانها: "نطالب بعدم نشر أي أخبار أو تصريحات في الفترة الحالية، ونرجو من السادة الصحفيين والإعلاميين الالتزام بذلك.. شاكرين لهم اهتمامهم ودعمهم لنا".
وتخضع الفنانة شيرين عبد الوهاب حالياً للفحص الطبي والعلاج، في إحدى المصحات النفسية، حتى إكمال علاجها من إدمان المخدرات، وفقاً لتصريحات شقيقها محمد عبد الوهاب. وقال في مداخلة هاتفية له: "شقيقتي بتضيع وتنهار وتتعرض لعصابة مكونة من حسام حبيب وسارة الطباخ، وأمي قالت ليا أبوس على إيديك إنقذ أختك من الإدمان، مدير المستشفى في النيابة العامة حاليا وأثبت بالأوراق الدخول الإلزامي لشقيقتي للعلاج من الإدمان".
