في منشور شاركه عبر صفحته الخاصة على موقع التواصل الإجتماعي، تحدث المطرب المصري حمو بيكا عن معاناته مع التنمر. فقال: "يا جماعة ياريت نفهم ان انا موجوع و تعبان، كفاية تنمر عليا، اتنمر عليا مرة واتنين وتلاتة ولسه فيه ناس بتتنمر عليا".
واكمل قائلاً: "بتتنمروا عليا لحساب مين؟! انا بني آدم زي زيكم والله... الاستاذ هاني حضرتك كنت في ندوة واتنمر عليا و انت اخويا الكبير وانا مسامح والله بس كفاية بالله عليك، انا اه مش بعرف اقرا واكتب بس ربنا خلقلي قلب احس بيه، كفاية تجرحوني، مش كل واحد يبقى عنده سلطة يتحكم في البشر؟! ... حسوا بيا، لو غلطت في حاجه تعالي وحاسبني وعلمني الصح من الغلط. فاتح بيت وعندي أسرة وعندي مسؤوليات كتير محدش يعلم بيها إلا ربنا، ارجوكم كفاية!..."
وتضامناً مع حمو، تفاعل رواد مواقع التواصل الإجتماعي، معبرين عن تضامنهم معه.
