أحدثت الممثلة اللبنانية النجمة كارمن لبس الجدل، وذلك بعدما كشفت عن تعرضها للتحرش الجنسي في عدة مراحل عمرية مختلفة أولها كانت منذ طفولتها وصولًا للتحرش بها حتى في عملها بالوسط الفني.
و قالت لبس خلال استضافتها ببرنامج "شو القصة" مع الإعلامية رابعة الزيات: "أنا تعرضت للتحرش بعمر الـ9 سنين من الجيران، لأنه بابا كان قاسي علينا ويخاف علينا إنه عنده بنات، والبنت مهمة سمعتها، إنه وين رايحة ووين جاية فكان كتير يخاف إني روح عند صحباتي إنه بلكي صار شي أو نتعرض لشي سيئ خاصة انه صحباتي عندهم إخوة".
وأضافت:" بس هو ما كان عارف إنه القصص هي جمبه موجودة، فأنا بنصح الأهل إنهم يكونوا قريبين من أولادهم، بس يمكن هلا الأولاد صاروا بيتشجعوا أكتر وبيحكوا عن الشي يلي بيصير معهم، أول شي بتخافي تخبري، خاصة صار بفترة حرب، ممكن حدا يقتل حدا وممكن حدا يموت خاصة إنه أنا إزا رح خبر بابا يمكن يروح يقتله أو يحطه بالحبس".
و تابعت:" أنا كنت حاسة بالذنب، وكان الخوف بالقصة إنه ممكن يصير شي مؤذي، فبتحمليها لحالك، أنا خبرت ماما بفترة وهي قوتني لدرجة قدرت أواجه هيدا الشخص بعمر صغير يعني، صار لما يقرب مني بعد هيك أحكيله ازا بتقرب مني رح أفضحك وأخبر أهلي وبعديها لما صرت أحكيله هيك صار يبوس إيدي ويترجاني إني ما خبر حدا وراح هرب".
